Bloggsvæði Lindx2

Koma svo

Thu, 22 Feb 2007 09:29:46 GMT

hei ég hélt ég fengi brjálaðar athugasemdir út af nýasta kúrnum í Ameríku...koma svo stelpur

Annars er ég búin að gera tilraun tvö með bloggar og nú er ég með síðunna http://jonalindk.bloggar.is

kveðja Jóna Lind ofurbloggari

Gartulere med dagen KONGEN :o)

Wed, 21 Feb 2007 20:24:45 GMT

já kóngurinn í Norge á afmæli í dag, 70 ára og það er búið að vera stanslaus dagskrá í sjónvarpinu í tilefni þess. Hann fór í messu, og það var athöfn fyrir framan höllina þar sem stytta af móður hans var afhjúpuð og svo eru helstu menn og konur í Noregi að snæða með honum í Akershus. Á helgini verðu svo partý fyrir konungsborna og svo eru tveir forsetar sem mæta líka. Það hefur vakið athyggli og um það var rætt i VG að einungis konungsbornir fá gistingu í höllinni en forsetarnir þyrftu að útvega sér gistingu á hóteli...já bara svona eins og ég og þú. Það er greinilega ekkert varið í það að vera forseti. Magga danadrottnig verður þó fjarri góðu gamni þar sem hún er að fara í hnéaðgerð...trúlega liðþófarnir :haha:

En af okkur almúganum er allt fínt að frétta, hér er aftur skollinn á brunagaddur og það sjnóaði hér í dag. Við Edda skelltum okkur þó í bæinn í morgun, þar var töluverð traffik enda er vetrarfrí í Osló þessa vikuna og það koma margir hingað til að fara á skíði.

Annars sá ég magnaðan þátt með Ópru áðan, nú eru tveir læknar búnir að skrifa bók um megrun(eða ekki megrun) maður á að borða hollan mat og reglulega (hver vissi það ekki), drekka mikið vatn :$(já já við vitum það), ganga á hverjum degi a.m.k. 1000 skref (við getum það) og stunda kynlíf á HVERJUM DEGI!! (úúúújá) og þá kviss bammm búmmm HVERFA KÍLÓIN Á ÓGNARHRAÐA. hver vill ekki prófa þetta:haha:

Kveðja Jóna Lind ...byrja strax á þessum kúr8)

Bolla, bolla...

Tue, 20 Feb 2007 08:56:22 GMT

já nú er sá góði dagur liðin og honum voru gerð góð skil á þessu heimili:D en ég á ekki von á því að vera með saltkjöt og baunir enda er það ekki hefð hér eins og heima. En helgin hjá okkur var bara fín. það snjóaði heil ósköp á laugardaginn og við Muggur fórum að kíkja á rallýið, sáum nokkra fræga en ekki að ég geti nafngreint þessa kappa enda er rallý ekki mitt áhugamál en það var nú sjálfsagt að kíkja visst þetta var hér í nágreninu. Á sunnudaginn fórum við í bíltúr upp að Hafjell og það er þvílíkt flott skíðasvæði, þeir eru með nýja kláfa og við gátum keyrt undir þá á nokkrum stöðum á leiðinni upp fjallið. Stefnum að að fara fljótlega þarna upp með gönguskíðin og ganga upp á fjallinu. Rakel það hefði ekki verið amalegt að skíða hér!!!

Annars eru mínar kæru vinkonur á Eyrarskjóli orðnar "pung"sveittar við að steikja kleinur og punga svo að við komumst til London í vor...STELPUR MÍNAR FARIÐ MJÚKUM HÖNDUM UM PUNGANA SVO AÐ VIÐKVÆMIR FARI EKKI Í KLEINU:haha:sakanaðar kveðja frá formanni túra klúra...er allveg að detta úr æfingu.

Muggur var að fara niður á Gardermoen í morgun og kemur á fimmtudaginn. Hér er svo að skella á vetrarfrí en það verður frí alla næstu viku hjá stelpunum og afþví að það er að koma frí er lítil sem engin kennsla þessa vikuna, mikil útivist og ferðir. Silja er í kynniingu hjá NTG í dag en nemendur í 9. bekk eru að kynna sér framhaldsnám sem er í boði hér á svæðinu.

Nýja síðan mín er bara búin að vera í leyðindum, ég gat sett eina færslu og svo fraus hún. Það er spurning um að að prófi að gera nýja því myndakerfið þar er betra...læt ykkur vita þegar ég hef þundið lausn á málinu en endilega sendið mér kveðju..það er svo gaman að heyra frá ykkur

Jóna Lind "RALLÝGELLA"8)

Kæru vinir

Fri, 16 Feb 2007 09:16:04 GMT

Þetta er næu meira brasið með nýju heimasíðuna, jonalind.bloggar.is, hún virðist hafa frosið eftir fyrstu færslu og fjórar athugasemdir. samt get ég bloggað en það kemur ekki fram grrrrrr, þoli ekki svona vesen. en allavega vona ég að flestir fari inn hér áfram.

Í dag er vindur í Lillehammer!!!hefur ekki verið vindur hér síðan við komum. Þetta er nú ekki mikill vindur en trén bærast allavega hahah. Hér er allt í góðum gír eins og venjulega og það er bolludagur framundan eða fastelavnsdag. Norðmenn halda sinn bolludag reyndar á sunnudaginn en íslendingar eru með hann í heila viku...ekki satt:haha:þegar ég fór í bæinn í gær átti ég von á að bakaríin væru orðin full af bollum sem gott væri að gæða sér á en nei ég sá í einu bakaríi auglýstar bollur og það var EIN TEGUND TIL!!! og það var gerbolla með rjóma og flórsykri, ekki spennandi það. En ég er komin með uppskriftir og það verður bakað hér á morgun, vatnsdeigsbollur og norskar fastelavnsboller.

Hekla Dögg er búin að eignast góða vinkonu hér og hún ætlar að gista hjá okkur í kvöld og svo ætlar Hekla að gista hjá henni á laugaraginn. Silja Rán er að fara á samæfingu alla helgina upp í Sjusjöen og svo er Rally Norge í fullum gangi hér í kring og verður m.a. keyrt upp á Birkebeinerstation og niður að stökkpallinum, það er mikið um að vera í kringum rallýið og aldrei að vita nema maður kíki á það.

Jæja læt þetta duga í bili...lofa að skrifa fljótlega aftur og EKKI BORÐA YFIR YKKUR AF BOLLUM UM HELGINA:haha:

kveðja Jóna Lind og Lillehammergengið

Komin frá Osló

Tue, 13 Feb 2007 19:40:28 GMT

...já þá er helgarferðin að baki og allir orðnir spenntir að heyra um hana. En þaðvar mjög gaman hjá okkur og sérstaklega að hitta vini okkar frá Ísafirði. Það var töluvert skundað í búðir en lítið keypt...nema æðislega hvíta leður Nike skó Við vorum á hóteli í hliðargötu við karl Jóhann sem var bara fínt búðarlega séð en verra næturlífslega séð enda var lítið sofið vegna tyrkneskrar tónlistar, beljandi bassa og svo kolvittlausra noskra unglinga sem héldu partý á herberginu beint fyrir ofan okkur báðar næturnar!!! Svo fór brunabjallan af stað 7:30 á sunnudagsmorgun og allir ruku út en svo kom í ljós að eggjakakan hjá kokkinum hafði brunnið við.
En á meðan fólkið var að keppa á laugardaginn fórum við stelpurnar, Silja, Hekla, Edda og Arna, í bæjarrölt og fórum svo upp að konungshöllinni. Ekki sáum við konginn né drottninguna en sáum aftur á móti skiptinguna hjá lífvörðunum sem var náttúrulega sýning út af fyrir sig. Síðan tókum við T banan upp í Holmenkollen og skoðuðum pallinn og útsýnið yfir borgina. Það var frábært enda veðrið mjög gott. Á laugardagskvöldið fórum við fullorðnafólkið út að borða og fengum það besta kjöt sem ég hef borðað...dádýr mmmmmm.
Þegar við komum heim á sunnudaginn fórum við strax að flytja, það gekk bara vel enda fórum við bara í næsta hús en fengum stærri íbúð...þvílíkur munur. Við erum búin að koma okkur fyrir og nú eru Hekla og Silja saman í herbergi en Edda Lind sefur inni hjá okkkur hjónum. Í dag var ég svo myndarleg og bakaði smákökur, við erum að fara á foreldtrafund í skólanum hennar Silju og "alle jentenes foreldre tar med noe at bite i"...smákökur
Svo fer ég að setja fleiri myndir inn og teljarinnhjá mér er ekki að virka...nema að það sé engin að heimsækja mig

Nýtt, nýtt

Thu, 08 Feb 2007 11:40:16 GMT

ég nennti ekki þessu brasi með myndirnar og er búin að fá mér nýja síðu og vonandi geta alir notið þess að sjá myndirnar þar, skrifa svo meira eftir helgi þegar við komum úr borginni

http://jonalind.bloggar.is

Vegna fjölda áskoranna...

Wed, 07 Feb 2007 13:47:11 GMT

þá hef ég ákveðið að blogga smávegis, en sumir dagar eru bara ósköp hversdagslegir og þá finnst mér ég ekki hafa neitt að blogga um. Þó að maður búi í útlöndum er maður ekki alltaf að "gera eitthvað" heldur er ég oftast "bara heimavinnandi húsmóðir" að taka til, þvo þvott og versla í matinn. Munurin hér eða heima er sá að núna er ég heima til að taka á móti börnunum mínum þegar þær koma úr skólanum...það hef ég ekki gert áður:( Þið sem þekkið mig haldið sjálfsagt að ég fari hamförum í búðunum, en svo er nú ekki, enda voru útsölur í hámarki þegar við komum og lítið spennandi þar en nú eru búðirnar að fyllast af nýjum vörum og þááááá´fer ég sjálfsagt á stúfana:haha: Annars eru við að fara til Osló á föstudaginn og verðum alla helgina, það eru að koma ísfirðingar í Holmenkollen gönguna og það verður mjög gaman að hitta þau. Annars er búið að færa gönguna vegna snjóleysis og hún verður nálægt Hamar og það er í raun styttra fyrir okkur að fara héðan heldur en að keyra niður til Osló. En við stelpurnar ásamt Örnu rúsínu spókum okkur um í borginni á meðan hinir fara í gönguna:haha: Muggur er í Osló núna í vegagerðarskólanum, kemur heim á fimmtudaginn og keyrir aftur á föstudaginn...það er næstum eins og hann sé komin í vinnuna;) Við höfum smá mission í þessari ferð en það er að finna baby born sleða (eins og Ingibjörg Magna á) en slíkur hefur ekki fundist hér í Lillehammer, vonandi er hann til í Osló...hann er allavega til í Bimbó stórmagasíni :haha:

Ég fékk tvö bréf í gær frá góðum vinkonum mínum...svara ykkur fljótlega stelpur og vonandi fara börnin að hressast, það er greinilega mikið veikinda fár á Íslandi, hér er engin með hor í nös þó að það sé -14 til-16 gráðu frost.

ha'de bra, Jóna Lind ofurhúsmóðir hahaha

Myndir

Fri, 02 Feb 2007 20:46:54 GMT

Nú er búið að minnka myndirnar, vona að þið getið skoðað, látið mig vita ef þær eru enn of stórar. Ég sá þær nefnilega ekki svona stórar hjá mér.

Kveðja Jóna Lind og co

Kveðjur...

Thu, 01 Feb 2007 21:23:30 GMT

halló kæru vinir og kunningjar, ég sé að það eru nokkrir sem nenna að fylgjast með mér á þessari blaður síðu, ennnnn það eru fáir sem nenna að kvitta eða senda mér kveðju:( mér finnst alltaf gaman að heyra frá ykkur heima á Íslandi.

gaman að heyra frá þér Sigga Lára...og frábært að þú sért að gera þig klára fyrir fréttabréf til mín:D þið skvísurnar voru glæsilegar að vanda á Sunnukórsballinu, var Stella ameríkugella með?

Hér er allt við það sama en hér hefur þó nokkuð dregið úr frosti. Ég er búin að skrá mig í INGA LAAMI gönguna sem er stærsta kvennaganga í Noregi og er haldin hér í Lillehammer 10. mars. Þar ætla ég að ganga 30 km í frábærri braut í gegnum skóg. Þannig að nú verða ég að fara að gefa í:haha: og svo er ég að styrkja mig hjá þeim frísku og sveittu....Sigga Lára hnébeygjurnar og hoppin frá ykkur Stellu um árið, eru hér í fullu gildi:haha:

Jæja læt þetta duga í bili og vonast til að fá kveðjur frá ykkur kæru vinir:D

30. janúar

Tue, 30 Jan 2007 09:09:14 GMT

já nú er komin mánuður síðan við fórum að heiman,þ.e. úr Brautarholtinu, ótrúlegt hvað tíminn líður. Hjá okkur er allt fínt að frétta og allir eru kátir. Við vorum á skíðamóti við Lygna skisenter við Gran, 1 1/2 tíma keyrsla héðan. Silja keppti á laugardag og sunnudag og hekla á sunnudag. þeim gekk bara mjög vel, veðrirð var fínt en kalt. í síðustu vika var -14 en núna er bara -9:lol:

Við Edda erum duglegar að fara út á morgnanan og endum yfileitt í hverfisbúðinni okkar, KIWI sem er lágvöruverslun en með góðu vöruúrvali, starfsfólkið er farið að þekkja okkur og spjalla. það er nauðsynlegt að kaupa bollur þær eru í uppáhaldi hjá Eddu. Svo er verslað það nauðsynlegasta sem kemst í bakpokann því auðvitað er frúin með bakpoka...vantar bara sparksleðann og þá er ég orðin fullkomin:haha:

var í leikfimi í gær og fór í erfiðari tíma og þá fór ég virkilega að svittna enda er það mottóið að vera frískur og sveittur:haha:friskissvettis.no, svo er þvílíkur munur að vera í nýju skónum sem ég fékk í afmælisgjöf (sjá myndaalbúm). Síðan er ég búin að prjóna eina peysu fyrir hana Eddu Lind...og hún er bleik:haha:

Síðan á hún Sigrún sig vinkona mín á Ólafsfirði afmæli í dag..TIL HAMINGJU MEÐ DAGINN SKVÍSA:haha:

kveðja

Jóna Lind og Edda Lind

brrrrr

Wed, 24 Jan 2007 13:52:00 GMT

já nú er búið að vera ansi kallt hjá okkur eða um -14 gráðu frost, það þarf helst að vera í tvennum ullarvettlingum annars fæ ég brjálæðislegt naglakul. Við vorum á móti upp í Sjusjöen á sunnudaginn og það var svakalega kallt. Það gekk vel hjá stelpunum, Hekla rúllaði sínum flokki upp eins og henni er lagið og Silja varð 3ja í sínum flokki. Annars þurfti ég að vakna fyrir allar aldir í gær og skutla Muggi niður á lestarstöð, hann var að fara í kúrsinn hjá vegagerðinni niður á Gardemoen. Þá sá ég að norðmenn eru komnir á stjá fyrir allar aldir , brjáluð traffik kl. 7:00 að morgni. Svo byrjaði ég í leikfimini hjá þeim frísku og sveittu á mánudaginn og það var mjög fínt, ætla að fara 3xí viku...ekki veitir af. Síðan er ég að baksa við að setja myndir inn á síðunna, en verða að fá hjálp frá Silju...kemur vonandi fljótlega sæll að sinni, Jóna Lind

20. janúar

Sat, 20 Jan 2007 19:21:31 GMT

...já aldeilis frábær dagur og ég á afmæli í dag, síung að venju:D dagurinn byrjaði snemma þar sem Silja var að fara að keppa upp í Natrudstillen. það var svakalega kallt og svo fór að snjóa brjálæðislega. Það gekk bara vel hjá Silju.

Ég þakka kærlega fyrir góðar afmæliskveðjur, alltaf gaman að heyra frá vinum sínum og fjölskyldu. ég bakaði mína góðu súkkulaðiköku sem við gæddum okkur á:haha:...elska súkkulaði.

kveðja Jóna Lind afmælis...pæja-stelpa:haha:

Allt fínt að frétta

Wed, 17 Jan 2007 09:38:41 GMT

jæja lífið gengur sinn vanagang hér hjá okkur, við mæðgur erum heima sú eldri að taka til og þvo þvott en sú yngri situr límd við sjónvarpið enda eru teiknimyndir allan daginn. Hún sussaði á mig áðan því hún segist vera að læra norsku:D já það hlýtur að sýjast inn. Ég er búin að vera nokkuð dugleg að fara á skíði og í göngutúra þegar ekki er fljúgandi hálka. Annars er ég svo gjörsamlega dottin í það með Freyju súkkulaði með daim kúlum...ummmm þvílíkt súkkulaði, en það gengur ekki til lengdar verða að fara að gera eitthvað í þessu áður en ég verð hnöttótt:haha: Svo verð ég að fara að drífa mig í leikfimina hjá þeim "frísku og sveittu", stefni á það í næstu viku. Jæja verða að þjóta og setja í þurkarann8)

Hej Rakel og Doddi góða ferð til Austurríkis:haha:...það hefði nú verið gaman ef þið væruð að koma hingað, hér er nægur snjór, en njótið ferðarinnar

kveðjaJóna Lind og Edda Lind

Vika í Lillehammer

Sat, 13 Jan 2007 21:45:10 GMT

já nú er fyrsta vikan liðin, það er svolítið skrítið að vera að byrja að búa upp á nýtt, (á gamals aldri og með hálffullorðin börn í þokkabót) mig vanta t.d. heilmarga hluti sem ég á heima og teljast sjáfsagðir eins og skúringargræjur, ryksuga (eins og mér finnst gaman að ryksuga) , hvítlaukspressa...já flest þetta eldúsdót sem maður brúkar dagsdaglega en ég er nú að sanka að mér hinu og þessu og gera heimilislegt hjá okkur. Ég átti örugglega meira þegar við Muggur byrjuðum að búa í Reykjavík 1988.:haha: Við fáum svo aðeins stærri íbúð um miðjan febrúar og það verður mjög fínt, við búum í Fagabergvegen 20d og förum svo í 16a. Við vorum á skíðum í dag og það var geggjað veður, sól og frost. stelpurnar stóru og Muggur eru komin í Lillehammer skiklubb, Silja búin að fara á æfingu og þjálfarinn hennar þekkir alla helstu skíðamenn Ísafjarðar, nema hvað:D, Markús, Óla th, Jakob, Öyvinnd og svo eru stelpurnar að fara að keppa á morgun, það verður spennandi8)

Takk fyrir góðar kveðjur og haldið áfram að skrifa mér, gaman að heyra í ykkur heima. Kæru vinkonur á Eyrarskjóli munið bara...KOMA SVO og láta allt ganga vel:haha: og ég er núna loksins að jafna mig á riðuveikinni...en veit ekki hvernig ástandið verður þegar ég kem til baka, Bobba mín:(

Heij heij

Wed, 10 Jan 2007 08:59:03 GMT

jæja gott fólk þá er ég komin í samband við umheiminn og læt loks vaða í eina ferðasögu. Við fórum í ferjuna 3. jan og það var ekki gott sjóveður þannig að við vorum bara mest í koju, það var 4 tíma seinkun til Færeyja vegna veðursins en þar fórum við aðeins í land til að viðra okkur. Það var betra veður á leiðinni til Noregs og við vorum komin þangað seinnipart föstudagsins 5. jan. Þá var eftir að keyra til Lillehammer og það tók 6 tíma og við vorum öll orðin frekar þreytt við komuna þangað. ´Ferðaþreyta hefur verið að hrá mig síðan þá og er ég enn með riðu og hálfgerðan svima, en ég held að þetta séu eftirköst af sjóveikiplástrinum:( Við fengum íbúðina okkar á mánudaginn og erum búin að vera að sanka að okkur nauðsynlegu dóti eins og diskum og pottum o.þ.h, þetta er bara mjög fín íbúð en við fáum svo stærri íbúð 15. feb. Nú fer allt að falla í fastar skorður þegar við erum búin að koma okkur almennilega fyrir. Stelpurnar fóru strax í skólann á mánudaginn og það hefur gengið mjög vel hjá þeim og það var sérstaklega vel tekið á móti þeim og allir svo jákvæðir. Hekla er ótrúlega dugleg og skrifar norsku í heimalærdómnum eins og ekkert sé:) Skólarnir eru báðir hér rétt hjá og þær eru 5 mín að ganga í skólann. Edda Lind er búin að vera svolítið upptjúnnuð enda er allt svo nýtt og spennandi, en svo förum við að koma okkur upp rútínu á daginn, vera með vinnustund og fara í gönguferðir. Við erum ekkert búin að athuga með leikskóla en mér skilst að þeir séu þéttsetnir hér.

Jæja ég þarf að fara í þvottahúsið en hér þarf ég að panta mér tíma á netinu og fara í þvottahúsið sem er í öðru húsi, smá viðbrigði frá minni góðu þvottavél sem var til taks hvenær sem mér hentaði, en þetta verður bara spennadi að prófa eitthvað nýtt.

Læt heyra í mér fljótlega aftur, kveðja Jóna Lind